இம்மலேசிய மண்ணில் தமிழர்கள் கால் பதித்து ஓராயிரம் ஆண்டுகட்கு மேற்பட்டதாய் இருப்பினும் வெள்ளையர்களால் தமிழகத்திலிருந்து கொண்டுவரப்பட்ட நம் முன்னோர்கள் கடந்த இருநூறு ஆண்டுகட்கு மேலாக அயராது உழைத்து இந்நாட்டின் அரசியல், பொருளாதாரம், சமூகம், கலை, பண்பாடு, விளையாட்டு, கல்வி என அனைத்துத் துறைகளின் மேம்பாட்டிற்கும், நிலைப்பாட்டிற்கும், நீடித்த வளர்ச்சிக்கும், முகாமையாய்ப் பங்காற்றியிருக்கின்றனர்; இருந்தும் வருகின்றனர் என்பது மறுக்கவியலாத பேருண்மையாகும்.
இருப்பினும், இக்கால் நிலைத்தன்மையற்ற அரசியல் சமூகவியல், பொருளியல் சூழல்களில் தமிழர்கள் சிக்கித்தவித்துப் போராடி வருகின்றனர் அவர்களுக்கு முறையிலே கிடைக்க வேண்டிய உரிமைகள் நன்குணர்ந்து உரிமைப் போராட்டத்தில் பையப் பைய ஈடுபட்டுள்ளனர்.
இஃது இப்படி இருக்க நம்மின இளைய சமுதாயத்தினரின் போக்கு நமக்கு அச்சத்தை ஏற்படுத்துவதாய் அமைந்துள்ளது, தவறான வழிகாட்டல்களாலும் மொழி, இன, சமய உணர்வின்மையாலும், திட்டமிடப்பட்ட முறையான, செறிவான தொலைநோக்கு இன்மையாலும் நம்மின இளையோரின் எதிர்காலம் கவலைக்கிடமான நிலையில் இருப்பதை நாம் அனைவரும் நன்குணர்வோம்!
இவ்வேளையில் வன்முறை, தீயக் கூட்டுறவு, குடும்பப் பின்னடைவு, தன்னூக்கமின்மை போன்ற கூறுகளால் பாதிப்புற்றுச் சீரழியும் இளையோரைத் திருத்த முயலும் அதே சமயம் கட்டொழுங்கு, தன்னூக்கம், அறிவாற்றல், மேலாண்மைத் திறன், புனைவாக்கச் சிந்தனை (Creative) போன்ற பல்வேறு உயரிய பண்புநலன்களைக் கொண்ட இளையோரை உருவாக்கும் கடப்பாட்டில் இருந்தும் நாம் பின்வாங்கி விடக்கூடாது.
இவ்விழுமியப் பணியானது இளைய சமுதாயத்தினரிடையே புத்தெழுச்சியை ஏற்படுத்த அடித்தளமாக அமையும் என்பதை நாம் நன்குணர வேண்டும். மேலும், இளையோரை இளையோரைக் கொண்டே சீர்படுத்தும் அணுகுமுறையானது நல்விளைவுகளை ஏற்படுத்தும் என்பது திண்ணம்.
தமிழ் இளைஞர்களின் மத்தியில் ஒற்றுமையை மேம்படுத்துதல்.
தமிழ் நமக்கு வழங்கிச்சென்ற விழுமியங்களை உணர்ந்து, அவற்றைப் பின்பற்றி வாழ்வில் சிறப்படைதல்
உலகிலுள்ள சிறந்த பேச்சாளர்களின் உதவியுடன் தலைசிறந்த பேச்சாளர்களை உருவாக்குதல்.
தமிழ் இளைஞர்களின் தன்னம்பிக்கையை வளர்த்தல்.
To enhance unity and dynamic among Tamil Youths.
To instill more insights about our values, rich heritage, historical glory, literature & ethics.
Identifying the future administrators & upbringing the potential and service minded youths.
Enhance the self esteem of the youths to execute projects to their maximum capability.
நம்மில் ஒரு பகுதியாக இருக்கும் தமிழ் Embracing the Tamil in us
சிந்துவெளி நாகரிகம் தொடங்கிக் கீழடி அகழ்வராய்ச்சிவரை தமிழர்களின் நாகரிகம் தனித்து விளங்கி வந்துள்ளது.
தமிழர்களுள் சிலர் வாழ்வில் நல்ல நிலையில் இருப்பினும் பலர் நலிவுற்று இருக்கின்றனர்.
எதிர்காலத்தில் தமிழர்கள் நல்ல நிலையில் இருக்க வேண்டுமானால் அவர்களுக்குப் பொருளியல் சிந்தனையும், ஒற்றுமையும் அவசியம்.
தமிழ், தமிழர் மீது பற்று கொண்ட நல்லுள்ளங்கள் உங்களுக்காக செலவினை ஏற்றுக்கொண்டார்கள்.
Kind-hearted people who have affection for Tamil and Tamils have accepted the expense for you.
Petaling Jaya Tamil Youth Bell Club
48A, Jalan 1/19, Petaling Jaya, Selangor
01125446869